Nino Fontanek eta Itziar Bernaolak zuzendutako “Los poderes de Lolo”, dokumentala RTVE, Baleuko eta LKS Next enpresen koprodukzioa da, eta Espainiako telebistaren aitzindari eta “La bola de cristal”; saio ikonikoaren sortzailea den Lolo Rico omentzen du.
Dokumentala irailaren 22an aurkeztu da 2024ko Zinemaldian, eta urriaren 6an estreinatuko da La 2 eta RTVE Play-n. Izan ere, telebista programaren 40. urteurrena ospatzeaz gain, belaunaldi osoak markatu zituen emakume ameslari baten bizitza erakutsi nahi da.
Dokumentalak Javier Gurruchaga, Kiko Veneno, Loquillo eta Lolo Ricoren beste kolaboratzaile askoren testigantzak jaso ditu, baita bere seme-alaba eta bilobenak ere. Lolo Rico bere garaiko telebistako emakume berritzaileenetako bat izan da, eta bere bizitza profesional eta pertsonalean sakontzen du 82 minutuko iraupena duen dokumentalak.
Proiektu hau LKS Nextek kulturarekin duen konpromisoa indartzera dator, zinemaren bidez, memoria kulturala babestuz.
